|
MISIONI
YNË
Mbështetja, ndihma dhe edukimi ligjor i njëriut,
me përparësi gratë dhe vajzat, me qëllim që të rritet aksesi i tyre në
institucionet publike e në mënyrë të veçantë, në sistemin e
drejtësisë, përmes:
-
Ofrimit
të shërbimeve ligjore dhe psikosociale, falas, për viktimat e dhunës në
familje dhe veprave të tjera të dhunshme, si dhe për shtresat në
nevojë.
-
Edukimit
ligjor, me qëllim njohjen dhe ushtrimin e të drejtave dhe lirive të
Njeriut, të parashikuara nga Kushtetuta, aktet ndërkombëtare dhe
ligjet.
-
Advokatësisë
dhe lobimit për demokratizimin e sistemit të drejtësisë dhe rritjen e
efektivitetit të tij, duke studiuar, monitoruar dhe përgjithësuar
përvojën e praktikat më të mira në drejtësi.
-
Ndërmarrjes
dhe mbështetjes së nismave për përmirësimin e legjislacionit si dhe për
lobimin e projektligjeve dhe të politikave shtetërore, në fushën e
mbrojtjes së të drejtave të Njeriut, me vështrim të veçantë barazinë
gjinore, luftën kundër dhunës në familje, kundër korrupsionit dhe
trafikimit të qenieve njerëzore, duke synuar përqasjen e tyre të plotë
me standardet më të përparuara ndërkombëtare dhe të drejtën e Bashkimit
Evropian.
|
