QAG ka një dokumentacion të plotë i cili ruan në ”Kujtesën e saj”, aktivitetin e kryer në të gjitha aspektet.

Aktualisht, Qendra ka arkivuar 631 dosje që dëshmojnë punën e kryer për të gjitha çështjet gjyqësore që janë ndjekur nga avokatet.
Ky dokumentacion mund të shërbejë si bazë edhe për të kryer studime me karakter statistikor dhe problemor në fushën e të drejtës familjare e penale. Sidoqoftë, për vjeljen e të dhënave respektohet Privacy e klienteve të Qendrës.

Pranë Qendrës janë arkivuar studimet e kryera, materialet e konferencave ku kemi marrë pjesë dhe dokumente të tjera që janë krijuar gjatë bashkëpunimeve me organizata e institucione të ndryshme.

Qendra ruan të plota Fletoret Zyrtare të Republikës së Shqipërisë dhe revista të tjera ligjore.

Pranë Qendrës do të gjeni të plota të gjitha numrat e revistës që ajo publikon: ”Ligji-mundësi zhvillimi për gratë”.

Qendra disponon edhe një bibliotekë modeste me literaturë të fushës së drejtësisë dhe të barazisë gjinore në shqip dhe në gjuhë të tjera.