Qendra Avokatore per Grate (QAG) eshte nje organizate shqiptare jo-fitimprurese, me seli qendrore ne Tirane, e krijuar në Nentor 1997. Nga viti 2001 një degë e Qendrës funksionon edhe ne qytetin e Shkodres.

QAG funksionon si qender sherbimesh ligjore dhe psiko-sociale për gratë e dhunuara ose të varfra. Keto sherbime ofrohen FALAS.

Vizioni i QAG:
“Ligjshmeria mjet zhvillimi per grate dhe vajzat”

Misioni i QAG :
“Rritja e aksesit te grave dhe vajzave ne sistemin ligjor dhe te drejtesise nepermjet:
-Ofrimit te sherbimit ligjor, i shoqeruar me mbeshtetje psiko-sociale falas, per grate dhe vajzat e varfëra dhe/ose te dhunuara.
-Pjesemarrjes ne hartimin e projektligjeve dhe te politikave shteterore, mbeshtetur ne barazine gjinore.
- Ndermjetesimit per demokratizimin dhe përmirësimin e sistemit te drejtesise, nepermjet studimeve, monitorimeve dhe pergjithesimeve te praktikave me te mira ligjore.

Struktura e QAG:
-Bordi i Drejtoreve
-Drejtoresha Ekzekutive
-Sektori i ndermjetesimit per permiresimin e legjislacionit dhe mirefunksionimin e organeve te drejtesise.
-Sektori i sherbimit ligjor
-Sektori psiko-social
-Sektori i shkrimit dhe i menaxhimit te projekteve
-Sektori i ndihmes ligjore per organizatat jo-fitimprurese (ky sektor, ka funksionuar përkohësisht në periudhën 2001-2003).

Ekspertiza: QAG ofron një ekspertizë të kualifikuar në disa drejtime:
- në fushën e të drejtës civile e në veçanti familjare, si dhe në fushën penale.
-në përkatësinë gjinore si element i ligjshmërisë.
-për parandalimin dhe luftën ndaj dhunës në familje.
-për këshillimet psikosociale në grup dhe në familje.
-ekspertizë përmes studimeve dhe monitorimeve të legjislacionit dhe të politikave për mundësi të barabarta.
-Stafi i QAG ofron edukim ligjor të publikut dhe trajnime në lidhje me kuptimin dhe zbatimin e legjislacionit.

----------------------------------------------------

N J O F T I M

Njoftojmë për një ndryshim në qëllimet dhe emrin e Qendrës Avokatore për gratë.
Në përputhje me vizionin e organizatës Bordi Drejtues, me vendimin e tij të dt. 08.11.2004, vendosi ndryshimin duke zgjeruar misionin e Qendrës, e cila merr një emër të ri. Pas përfundimit të proçedurave të regjistrimit pranë Gjykatës së rrethit Tiranë, Qendra Avokatore për Gratë merr emrin:

“QËNDRA PËR NISMA LIGJORE DHE QYTETARE”

Misioni i QNL do të jetë:
Qendër që synon rritjen e aksesit qytetar për nisma ligjore nëpërmjet:

• ofrimit të shërbimeve ligjore dhe psikosociale për shtetasit e varfër dhe veçanërisht për gratë.

• marrjes pjesë dhe udhëheqjes së nismave qytetare për përmirësimin e legjislacionit

• pjesëmarrjes në hartimin e projektligjeve dhe të politikave shtetërore mbështetur në barazinë gjinorë

• ndërmjetësimit dhe lobimit për rritjen e efiçiencës dhe demokratizimit të sistemit të drejtësisë nëpërmjet studimeve, monitorimeve dhe përgjithësimeve të praktikave më të mira ligjore.